نارنگ منڈی: کالا خطائی روڈ پر تیز رفتار بس الٹ گئی، 4 افراد جاں بحق، 20 زخمی

نارنگ منڈی کے قریب کالا خطائی روڈ پر سدھانوالی کے مقام پر پیش آنے والے ایک افسوسناک ٹریفک حادثے میں 4 افراد جاں بحق اور 20 افراد زخمی ہو گئے۔ ریسکیو حکام کے مطابق تیز رفتار مسافر بس اس وقت بے قابو ہو کر الٹ گئی جب ایک موٹر سائیکل اچانک اس کے سامنے آ گئی۔ ریسکیو 1122 کے مطابق حادثے کی اطلاع ملتے ہی امدادی ٹیمیں فوری طور پر جائے وقوعہ پر پہنچ گئیں اور امدادی کارروائیاں شروع کر دی گئیں۔ ریسکیو عملے نے زخمیوں کو موقع پر ہی ابتدائی طبی امداد فراہم کی۔ ریسکیو حکام کے مطابق ابتدائی طبی امداد کے بعد 6 زخمیوں کو مزید علاج کے لیے آر ایچ سی نارنگ منڈی منتقل کر دیا گیا، جبکہ 2 زخمیوں کو موقع پر ہی فرسٹ ایڈ فراہم کی گئی۔ ریسکیو حکام کے مطابق ابتدائی اطلاعات کے مطابق حادثہ موٹر سائیکل کے اچانک بس کے سامنے آنے کے باعث پیش آیا، جس کے نتیجے میں بس بے قابو ہو کر الٹ گئی۔ جاں بحق اور زخمی ہونے والے افراد کی شناخت کا عمل جاری ہے، جبکہ حکام حادثے کی مزید وجوہات جاننے کے لیے کارروائی کر رہے ہیں۔