ریسکیو 1122 کی بروقت کارروائی، تین خطرناک سانپ پکڑ لیے

 ریسکیو 1122 کی بروقت کارروائی، تین خطرناک سانپ پکڑ لیے  ظفروال کے نواحی گاؤں ججیال میں ریسکیو 1122 نے بروقت کارروائی کرتے ہوئے تین خطرناک سانپوں کو بحفاظت پکڑ لیا۔ ریسکیو 1122 کے مطابق اطلاع موصول ہوتے ہی ریسکیو ٹیم فوری طور پر موقع پر پہنچ گئی اور احتیاط کے ساتھ تینوں سانپوں کو قابو میں لے لیا، جس سے علاقے کے رہائشیوں کو ممکنہ خطرے سے محفوظ بنا دیا گیا۔ ریسکیو حکام نے شہریوں سے اپیل کی ہے کہ اگر انہیں کہیں سانپ یا کوئی دوسرا خطرناک جانور نظر آئے تو خود اسے پکڑنے یا ہلاک کرنے کی کوشش نہ کریں، بلکہ فوری طور پر ریسکیو 1122 کو اطلاع دیں تاکہ تربیت یافتہ عملہ محفوظ طریقے سے صورتحال سے نمٹ سکے۔