نارنگ منڈی: ٹھنڈی ہواؤں اور ابرِ رحمت نے موسم خوشگوار بنا دیا

نارنگ منڈی: ٹھنڈی ہواؤں اور ابرِ رحمت نے موسم خوشگوار بنا دیا نارنگ منڈی: شہر اور گردونواح میں ٹھنڈی ہواؤں کے ساتھ ابرِ رحمت برسنے سے موسم خوشگوار ہو گیا۔ بارش کے باعث کئی روز سے جاری شدید گرمی اور حبس کا زور ٹوٹ گیا، جس پر شہریوں  نے اطمینان کا اظہار کرتے ہوئے اللہ تعالیٰ کا شکر ادا کیا۔ بارش کے بعد موسم خوشگوار ہونے سے بازاروں، سڑکوں اور عوامی مقامات پر چہل پہل میں اضافہ دیکھنے میں آیا، جبکہ بچوں اور نوجوانوں نے بھی خوشگوار موسم سے بھرپور لطف اٹھایا۔ شہریوں کا کہنا تھا کہ بارش نے نہ صرف گرمی کی شدت کم کی بلکہ ماحول کو بھی تازگی بخش دی اس کے علاؤہ کسانوں میں خوشی کی لہر دوڑ گئیں چونکہ بارش سے کھیتوں میں پانی کھڑا ہوگیا جس سے کسان حضرات کو فی ایکڑ ہزاروں روپے تیل کی بچت ہوئی اور دھان  کی فصل کاشت کرنے میں آسانی ہوگی۔